السلام عليكم ورحمة الله وبركاته ,,
كل عام وانتم بخير وأسعد الله اوقاتكم
بالخير والمسرة , وأقدم لكم قصيدتي
التي جاءت على عجل في حفل ربعي
الخيارات بحكم انهم لم يكلفوني بالمشاركة
الا بوقت متأخر جدا :
كل القصــايد بصـوت الشــعر مسموعــه ... ويبين الاحســاس فيـها ويــش موضـوعـه
وأنا .. ليــا قــمـت اهندســها وتــرجمــها ... كل من الشـــوق يبغى يطــرق سـموعــه
مثـــايل من بنــــات أفكــــار شــاعرهــــا ... تجمعـــن لـه وراحــن منـه مجمـــــوعــــه
انــــــام والنــاس تســـهر مع شواردهـــا ... وأصحى .. وهم يحتـرون الوسـم ورجوعـه
وش قيمة الشعر بل ..وش قيمة الشاعر ... اليــــا ترك واجبــــه في محـــفل ربــــوعه
وانــا حضــرت وحفــل ربعـي يشـــرفني ... وأن فــــاض صــــدق الغلا بالقلب ينبــوعه
نــاس دفعـــها اللـــزوم ونخـــوة الواجب ... ونـاس من أشــــياء وأشـــيا غيــر مدفـوعه
وأنـــا أتنـــومس ليـــا قالــو خدم ربعـــه ... والطيـــــب لــــه رايــــة بالعــز مــرفــــوعـة
الشـــاعر لســـان ربعــــه قبــل لا تطلع ... وســـــائل إعـــــلام مرئيـــــة ومســموعــه
وأن صــارت أرقام .. حطــو رقمـي الاول ... مــــدام حطــــو لمســتر جينس موسـوعــه