[غربة الروح !!]

هلا من مطلع عيونك لآول شمس بالافاق
ولا به نور غير انه أخذ من عينك المشرق


ظلامي يدور حضورك يبي من عمرك الاشراق
وانا من عادتي وآن شفت وجهك يبتسم اشرق


تجيني وتصبح الدنيا سماوات وشعر واوراق
وأورق لك يالبيه الغلا .. ولبيه لك تورق


هلا من عيني ترفرف لعينك شوفها مشتاق
يبي من بسمتك يأخذ حنين اللؤلؤ ويشرق


مثل موج البحر ياابن الحلال تمرني الاشواق
وانا اتعلق على صوتي واشوف الصمت بك يغرق


اطالع فيك وتتشكل عيوني بداخل الاحداق
الى محارتين ودمعتين من الوله تبرق


احبك كثر مافاق الحنين و ومن حنانك فاق
خيالي يحاول يطولك ويقصر عنك وتفرق


شبيه البحر آنا احبك من الاعماق الى الاعماق
وصمتي لك سماء تسولف عليك بلونها الآزرق ..