|
% خسرتك بمزاجى %
خسرتك بعد ما ملكت الكون لما ملكتك
خسرتك بعدما عشقتك بجنون ، بجد عشقتك
كنت بقول من بعدك لا ، مش هكمل فى الحياه
ازاى يكون لحياتى لون ؟
لو يوم يعدى بس يوم , من غير ما اقول يا حبيبى فيه !!؟؟
من غير ماتييجى تقولى ايه , ايه اللى انتى كنتى لبساه ده ايه ؟
وضحكتى بصوت عالى كده ليه؟
ويوم تانى تقولى فيه , مش ده اللى كنتى بتحبيه , ازاى تقولى اسمه ؟ واسمى انا تغلطى فيه ؟؟
احلفلك بحبى انا عمرى مافكرت فيه , دى ذله لسان .
تقولى لا , انتى بتحاولى بيا تنسيه وتنسى اللى كان .
دلوقتى شوفتك بعينيا وانت قاعد وياها .
مش دى اللى كانت صاحبتى ؟!
بعدتنى عنها عشان تخوننى معاها .
الاقيك بترد ببجاحه , وتقولى انى كنت رهان ,
دى حكيتلك عنى بصراحه , وقولتلها انك واد فنان ,
وانك وقعتنى فى هواك , وجيبتنى اشوفها معاك ,
عشان تثبتلى ان غبائىفى اختيارها مالوش حدود .
قولتله تسمحلى اهنيك على ذكائك المحدود ,
دى صديقه عمرى , وعمرى ما اكون بسببها ضحيه .
ده احنا كنا قاعديين فاضيين وانت اديتها رنه ,
قولتلها ماتييجى نتسلى شويه ......
|