[بنت السلاطين]

عَلى ذَاك الغَلا قلبٍ صفَا لِك
لَو إنّي لايِع و مُغرَمْ و هَالِك

و لَو إنّي مِن عَرفتِك و أنتْ قَاسي
و أنَا مَا عِندي أعصَابْ أتمَالَكْ

تبرّرلي و أنَا ما هو يغترني ؟
يَ أبَا ألفيتْ قَلبي ما وعَا لك

يعُومسني برُودِك و أنت دَاري
ذبَحتْ الشّوق و أتعبني دَلالكْ

أنَا ودّي لَو أفهَقْ لِك اضلُوعي
و تشُوفْ القَلب لا مِنّه بكا لكْ

يذُوب الصّوتْ قَبل أبُوحْ و أحكي
و يمُوتْ الحرف فيني مَا حكَا لكْ

أنَا الحينْ أحبّك ليت حبّك
يقدّرها ليَا مِن قِلتها لِكْ

إلا قصّرت ما فـ النّاس كَامل
تركّد في جمُوحِك و إنفِعَالِكْ

أنَا مَا أملِك سوا نَبضَاتْ قَلبي
تصدّق لَو أقُول إنْ نَبضهَا لِكْ

عطيتِك لذّه الحب الحَقيقي
و جَنيت الصّد يومِك شِفت حَالِك

عَلى بالي تِجي في كُل حزّه
و أنا بِ الأيّام ما مرّيت بَالِك

لكن بعلّمك ويشْ الحقيقَه
و صبرٍ قَد صبرتْ و ما عفَا لِك

قنَاعَات المُفكّر تِنتمِي لَه
سَواء إنّه سِكت و إلا حكَا لِك

و طيشَاتْ الهَوا لابِد منها
نعايشهَا و تَيدو مِن خِلالِك

فـ إنّي قَد سَئمتُ مِن التّقاضي
و ضَاقَ الصّدر ذرعًا مِن غِلالِك

تُكبّلني تفاهاتٌ مريرَه
و يُذهُلني التعملُقُ في خيالِك

تجُودوا بِ وقتِك الغَالي لـ غَيري
فَ كيفَ تشحُّ عَن عَيني وصَالِك

هذا قَلبي و ذّا عَقلي و روحِي
مجاريحٍ و انا سلّمتها لِكْ

أبسألك ب صراحَه بَس جَاوب
و لا أبغَى إجابتِك تَصبَح سؤالِك

أنَا لا مِن عَطيتِك كِل عُمري
ش ذَنب القَلب يومنّه وفَا لِكْ

و انا لا مِن تَركتْ النّاسْ لـ أجلِكْ
إتركهُمْ و أقبِل لـ قلبي لحالِكْ

يَ كِبركْ في عيُوني قَبل صدّكْ
و يَ صغرِكْ يومْ تِغتَر فـ جمالِكْ

تطيحْ بغلطتِك مِن عينْ غِيري
و رِمشي لا بَغيتْ تطيحْ شَالِكْ