[مُخاطِرْ]

يا ناس خلوا ضايق الصدر تكفون ..
وش عندكم عن ضيقته تنشدونه؟
شوفوا خدوده بس وانتوا تعرفون
ما لازم عن حالـــتـــــه تسألونه
ما هو يبي منكم مداري ولا عون
من فضلكم واحسانكم تتركونه
والله ثم والله لو كان تدرون
عن ما جرى له كلكم تعذرونه
يسهر طوال الليل وانتوا تنامون
ويدمي بقلبه قولكم والمعونه !!
من قصةً يخشع لها قلب فرعون
واغنى بشر في الكون تكثر ديونه
لولا السحى والله لا صيح مغبون
صيحة غريق وقف الياس دونه
اما تجي وتجدد العهد وتصون
ولا تحرر خافقي من سجونه
يالله ياللي تملك الكاف والنون
يا قاضي أمره بين كاف ونونه
افرج لقلب من عنى الوقت محزون
وانت الذي وحدك تخفف حزونه

الموضوع الأصلي: يا ناس خلوا ضايق الصدر تكفون ... | | الكاتب: مُخاطِرْ | | المصدر: شبكة بني عبس