24-10-2011, 03:25 AM
|
|
اغراب جينا وننهي الرحله اغراب
لا معتقد طول العمر نصبح احباب *** مشوارنـا لازم تجيلـه نهـايـه
اغراب جينا وننهي الرحله اغراب *** وتبقـى علاقتنـا مجـرد حكايـه
غربة زمن يا بنت والوقت غـلاب *** لاتامنين الوقـت هـذي وصايـه
يا بنت مال الدمع من بين الاهداب *** تكشفلك دموعـي سرايـر خفايـه
يابنت انا خايف فراق بلا اسبـاب *** تجي ليـال سـود يكثـر عنايـه
يا بنت منتي من ربوعي والاقراب *** انت غريبه لـو سكنتـي حشايـه
صحيح ماللقلب من غيرك اصحاب *** واحلف يمين انك نهايـة رجايـه
وانت قصيدة حب في صفحة اكتاب *** وغلاي لك ماهو مجـرد هوايـه
والله احبك لكـن القلـب يرتـاب *** لى تذكـر وقـت يمشـي ورايـه
اخاف بعد العز نصبح كالاغـراب *** وانا اموت ان كان هـذه النهايـه
|