مَابِقَـى بالصـدر إلاّ أثَــرّ طعنتـيـن
ذيك طعنة رحيل:وذيـك طعنـة غيـاب
مـات هَالضيـق والله يَرْحَـمْ الميتـيـن
ومابقى مِنْ طعون ولاَبِقَى مِـنْ صـواب
في جبينك دِفَـنْ قلبـي عـذاب السنيـن
وصفحة الضيق طاحت من فصول الكِتاب
كُفّـي الدمع،مـن شانـي وَلاَتَسْكُبِـيـنْ
من عيونك لِظَمْيَـانْ الْنِوَاعِـسْ شـراب
كل مَاسَـال دَمْعِـكْ وَاغْـرَقْ الوجنتيـن
تنْغَرَسْ بالضلـوع العوج(شَلْفَـا ذِيَـاب)
لاَتِوَطّيْـن رَاسِــكْ (لاَ) وَلاَتَشْعُـريـن
بِانْكِسَـارْ المهابـة ياعزيـزة جـنـاب
أرْفِعِـيْ راسِـكْ ولـلأرض لاَتَنْظُريِـنْ
وهَامِتِك لاَمِسي فيهـا كفـوف السحـاب
ومنزلٍ فيه مـن عُمْر:الْصِبَـا تَسْكِنيـن
مَاقُوَتْ تعبـث بوجهـه يميـن الخـراب
إنْزِلِـي بَالْبَصَـرّ مابيـن جفـنٍ وعيـن
ونوِّخِيْ في مِسَاحَـاتْ العيـون الْرِكَـابْ
وجرّي أخطاك وامْشِيْ خَطْوَه وخَطْوِتَيْـن
بين جلدي وعظمي حَدْر بيـض الثيـاب
وهَاكْ قلبي على الكفّيـن فـوق اليديـن
صافِـيٍ مـاه مَاجَـتْ فيـه ذرّة تُـراب
وأشْرَبِـي مـن ينابيـعـه وَلاَترتـويـن
وإتْرَكِي للظُمَى داخـل مِشَاعِـرْكْ بـاب