[سيوف بني عبس]

ازعل وانا على الزعل باتحـــــــــداك
....نذر على طول العمر ما اراضــــــــــيك
تزعل وترضى وتنهي الــود بهـــــواك
..سو الذي قلبك يوده ويرضيـــــــــــــــك
ما عاد قلبي هاجسه غايـة رضــاك
...مات الغلا والحب لحظـة تغليــــــــــــك
ماتت مع صوت الغلا كل ذكـــــراك
..وانهيت حبك من حياتي وطاريـــــــــك
وانزاح هم بالحشا عقب فرقـــــاك
..وطابت جروح خافية من تجنيـــــــــــــك
انسى العهود اللي مضت قبل وياك
..واللي جرى حلــم مضى من ليــاليــك
عفت الموده والمحـــبه وعفنــــاك
..وأرجوك دور لك حبيب يصـــافيـــــــــــك
دور وتلقى بالهــوى مثل شرواك
..يا خاين العشره عسى الله يجــــــازيك

الموضوع الأصلي: يا خاين العشره عسى الله يجــــــازيك........ق>>ش | | الكاتب: سيوف بني عبس | | المصدر: شبكة بني عبس