[سيوف بني عبس]

بسم الله الرحمن الرحيم



سنحدث اليوم عن قصـه للشاعر الكبير/ بندر بن سرور رحمه الله من قبيلة عتيبــه الهيلا الملقب من قبل محبيه بالأسطورة ومتنبي عتيبه والنابغه وللامانه هو يستحق هذا الالقاب فمعضم قصايده اصبحت مضرب للامثال وعلى لسان الكثير من الناس كيف لا وهو القائل:




أحد ٍ ينام وحط راسه بكمـّـه ... واحد ٍ تخم النوم عينه وتخطيه
واحد ٍ يحاول بالردى بنت عمـّـه... واحد ٍ يحاول ستر عذرا عوانيه
.






المهم قصة البيت المذكور في العنوان ان الشاعر رحمه الله في احد الايام كان قاصد الشيخ : تركي ابن ربيعان امير الفوج انذاك و شيخ الروقه من عتيبه فذهب الى بيته وطق الباب وطلعت بنت الشيخ الصغيره وفتحت الباب وشافت الشاعر بندر بن سرور وسالها ابوها من عند الباب فقالت : ((المرجوج بندر)) فسمعها الشاعر بندر بن سرور رحمه الله وهاضت قريحته وقال هذه الابيات التي اصبحت تردد
من قبل الكثير اترككم مع الابيات ...::


ياسخيف الذرعان .


يا سخيّف الذرعان مانيب مرجــــوج = رجتــــــني الايام غدرٍ وحيلـــــه
والله لولا اللي على تاسع الفــوج = لأكب نجــــد وعزوتي بالقبيـــــله
لا شك حاديني على نجد هـــيدوج = مسقى الفيافي لين يدرج مسيله
تركي ليا من الليالي غدن عـــوج = حملــه عتيبه كلها ماتشيلــــــــه
يرسى كما مينا البواخر على الموج = ومنين ماصك البحر ترتكيلــــــه
مادام تركي حي مـــــــاودي ادوج = وان غاب غبت من الرجوم الطويله


(سخيّف = رقيق) ( الذرعان = جمع الذراع )











دمـتم بخيــر.
*

*

الموضوع الأصلي: قصه البيت مشهور ياسخيف الذراعان ماني بمرجوج ،،،،،~ق::ش | | الكاتب: سيوف بني عبس | | المصدر: شبكة بني عبس