السلام عليكم ورحمة الله وبركاته
عسا الخيال الي بروقه تواشا=تهتز من وابل حياه البسيطه
يسقي ثراها والمسايل تماشا=وقع الحيا الهمال ماهي خطيطه
غيث الصحاري والكبود العطاشا=الي ورا حزم الفواد ومحيطه
لعل شاويها جروحه تلاشا=يقطع ارشا دلو العدود الشطيطه
الي تسريه الدجا والغباشا=على نجوم الليل ماهي خريطه
والشوف ليل وكل مشيه هقاشا=ماسلم من جرفه وشوكة شويطه
اثره صحيح الحب دربه عكاشا=راعيه يتعب عاذله مايحيطه
مابين سكرات اللقى والوغاشا=يشق جيبه من بلاه ويخيطه
خلاّ اجرد البيداء ال ضيفه فراشا=يهل من فوق الحماده شريطه
مايتّسع وقت اللقى للنقاشا=مكانهم كل المخاطر تحيطه
وقلوبهم فيها البلا والخراشا=ماتفيد في كشف الامور الوسيطه
المعزب