ياصاحبي كثر المجامل حنى الراس
وانا ذبحني كثر همي وناسي
وياصاحبي مابه معادل على ساس
لو يجتمع بانسان لين وقاسي
ان جتلك الدنيا على الكيف لاباس
الله عطا فضله بليا مقاسي
الحر منزاله على راس نبراس
يرقاء بروس مشمرخات الرواسي
اما تجيه ايام مجده بنوماس
والا فلا عزٍ بتاله طفاسي
من لدرك العليا على كل مرواس
يرجع مرده لدنس والخساسي
الحلم والا العلم في ظلمة الياس
حتى الصدق والكذب صارن سواسي
وياصاحبي احذر تراء العرق دساس
احذر تشبه للذهب بالنحاسي
احفظ لسانك واترك الهذر بالناس
كثر الحكي وان زاد سبب مأسي
الثقل للعقيل مبدى ومقياس
والا الردي لو طاب مبداه خاسي
وان طعتني ياصاحبي ارفع الراس
شفني كلاني كثر همي وناسي