[ابوصالح لرشيدي]

لوزان مدخاله وطالت حواميه =شيّد على الخيبه قليل الرحامي
وحىٍ يوريك المذ لـه وتغليه =أنا أشهدأنك ميت القلب عامي
من لا يودك لا توده وترجيه =ارفع مقامك ياعزيز المقامي
ارفع مقامك عن عدوك وتوذيه =ويلحقك من تركت رفيقك ملامي
حق الرفيق وواجبه لاتخليه =يلزمك مثل الوالدين الحشامي
اخترعزيز الجار والحق يعطيه =شبلٍ على هرجٍ يقوله يحامي
مادك به عرج المذ لـه وطاريه =يسبق على فعل الفضيله شمامي
ومن قارب الاجرب بالامراض يعديه =عدواه تسطي باللحم والعظامي
درب السلامه بيناتٍ مماشيه =ودرب العطب يّرث عليك اللكامي
ابعد وقلبك نازح البعد يشفيه =وتلقى عن الدار البغيضه مقامي
دارٍ بدار وداعى الذل عاصيه =ولا تقبل الذ لـه نفوس الكرامي
الذل موت حايماتٍ ضواميه =ادخل على منزل فروض الصيامي
عن مقعد بالذل عينك تراعيه =الموت عند الذل امان وسلامي
يرضى المذ لـه من تردت هقاويه =والذل يجفل منه قلب العصامي
والعبد لــه ربٍ عن الناس يغنيه =ولولاه ماصاب الهدف كل رامي

اهــــــــــــــــــــدددددااااا الى الــــــــــــــــــنـــــــــــــــــمـــــــــــ ـــر..