[سيوف بني عبس]

صباآإح / مساآإء روح القصيد


قصيدة الأماني
الأماني لي تعدّت فوق كفٍ كان نايل
شيّبت سود الليالي و لا حصل منها عطيّه
**********
**********
عرّجت بي في دروبٍ مقفره عوجٍ طوايل
و يوم مديت الأيادي ردّت يديني خليّه
**********
**********
كم جري لي من عطاها منبعٍ كالنهر سايل
و الشقيه يوم شانت عوّدت روحي شقيّه
**********
**********
لا حشى ما ني من اللي هم كثيرين المسايل
لكن الدنيا مطالب.. والعزوم إلْها مطيّه
**********
**********
آه يا قلبٍ تحيّر به عظيم الهم جايل*
لا قطع حبل الأماني و لا تهيّت له هنيه
**********
**********
و آه يا حلمٍ تصدّت دونه دروب و هوايل
و العمر فاني .. و زادي صبر و إيمانٍ و نيّه
**********
**********
مستريحه يا العيون اللي روَتْ نوم القوايل
من عقب ضيم الليالي هلّٓٓلي في كل فيّه
**********
**********
إجبري كسر الخواطر من عقب ضيق و علايل
و احمدي ربٍ كريمٍ ذلّل ظروفٍ عصيّه
**********
**********
يا إلهي لي طلبك الماي و سيولك همايل
و الأمر أمرك .. إلهي إنت رزاق البريّه
**********
**********
إن عطيت الجود إسمك ما على ملكك عبايل
و ان منعت العبد عبدك جنّبه درب الخطيّه

لــ الشاعر :محمد خلفان

الموضوع الأصلي: الأماني لي تعدّت فوق كفٍ ...... ق~ش | | الكاتب: سيوف بني عبس | | المصدر: شبكة بني عبس