السلام عليكم ورحمة الله وبركاته
هذي محاوره جرت بين الشاعر عميد الشعر و الشاعر بدر المطيري
حيث دارت المعركه وكانت شديده بينهم الا ان العميد الشعر كان شديد معه
والله اني فصيح مادريت عن نفسي مقدمه حلوه المهم مالكم بطويله انقل لكم المحاوره
البدايه عند الشاعر
بدر المطيري
ابــشـــرو بـالـشــبــب يــالــلــي تـــبـــون الــشــبــب
الشبب طاح من ضرب الرصاص ابو طير...........؟؟
الــعـــروض الـكـبـيــره فــــــوق حـــجـــم الــطــلــب
كــيــف ارحــــب بـعـيــر وعــزوتــي مــــن مـطـيــر
رد الشاعر عميد الشعر
البشاره مـن اهـل الطيـب عـز الطلـب
و العشاء طاح لكـن ؟كبـش ولا بعيـر؟
الجحـش شاعـرٍ ماهمّـه اطلـق شنـب
لاترحب ولا تنسى ان بمطير عير هههه
بدر المطيري
أنت ماقلتلي ويش أنت ياابـو لهـب
لأجل نحسب حسابك بالنهار الكبير
من يـذم العجـم مايـذم عنـد العـرب
وأنت مانته، بعيرٍ من قبيلـة مطيـر
رد عميد الشعر
إحسب حساب شاعرللملاقا حسب
بالنهار الكبير وبالنهار الصغيـر
مانذم الرجال اهل الحسب والنسب
كل طيرٍ بجنحانه يـرف ويطيـر
بدر المطيري
قد سؤالي اللي جاك ياجحـش أجـب
مايفيدك معـي كثـر العـوا والصفيـر
ماختلفنـا علـى كثـر الغـلا بالـذهـب
الهدف ودنا ندر الجحش وش يصير
رد عميد الشعر
والتحفظ بعد مشروع حـق ووجـب
الكـلام القليـل ولا الكـلام الكثيـر
من عرب عندهم فزعه و حشمه وأدب
بالزمان القديـم وبالزمـان الاخيـر
بدر المطيري
والله إنا مانبغا العلم جبر وغصب
مار فالمعركة يحتم علاك المصير
العرب عد واغلط من سنام وذنـب
مار الأجواد تلقاء نصهم فيه خيـر
رد عميد الشعر
انت محتار بامرك مانت لاقي سبب
ادبر الليل وانت بمقعدك تستديـر
ماني بناشدك معسوف وإ لأ صعب
مرّتٍ لك حنين ومرّتٍ لـك هديـر
بدر المطيري
مانهز الرطايب ثم تمطـر رطـب
ندهن السير لين السير معنا يسير
لاتـقـرب يديـنـك يالجـحـش للهب
ثم تلعن نصيب الخيل قبل الحمير
رد عميد الشعر
مد يمناك اذا تقدر تطـول العنـب
لاتعـذّر بعـذرٍ مايسـر الضميـر
مايكون اللهب من دون نار وحطب
والقماش اعرفه من قطن ولاحرير
منقول
وراك وراك وين ماتروح يا عميد
تقبل ازكا تحيه
غريب