[سبع الخلا]

فمان الله يديارن عساي اشوفها ابخير
عسا قلبي ليا منه طراله حبها يرتاح
ديارن بالغلا والحب محشومه مع التقدير
عسا منهو ملك قلبي حياته كلها افراح
اسوقله القدم وروح ورجع ماحصل تغيير
وليمني رجعت اقوم افكرولوي المسباح
وبعض احيان اقول انساه ولاشفته عكست السير
وثر قلبي قعد في ديرته ماينوي المرواح
اهوجس يم داره بالغلا والولف والتفكير
واقول الحب لك باقي على عهد الوفاء ماطاح
وغلاك بوسط قلبي خالي من الكذب والتقصير
واناودي ابشوفك بس وقتك والزمن شحاح
خذ ابيوت الشعر وقراء على كيفك ولك التقرير
ولو ردك علي أصعيب انابقول لك مزاح
نويت اترك غلاك بداخل اعماقي بلاتفسير
ولاكن زاد في قلبي ومع عروقي مشى ونساح
ولايانور عيني لاتقاطعني ترى ميصير
غلاك فوسط ريعان الحنايا العوج ماينزاح
انامضرم عليك أكثر من الدله بوقت اعصير
ويجذبني لشوفك شوفتي للهيل لمن فاح
وبعد شفنا بعضنا ثم روحنا وجوي غير
دخيلك قرب لقلبي وسرك يالغلا مباح
ترى الله عالمن مافالصدور وله ترى التدبير
وهو الي عالمن مافالمزون وبرقها لا لااح
اناعطشان ابي شوفك كما عطشان شاف البير
وعلى اشوفك انا اعد الليالي والدمع سفاح
ولاكن لجل حبك صابرن ولي يصير ايصير
وعهد مني يحبك غير اصونه ولبسه اوشاح

الموضوع الأصلي: قصيده ودي بشوفك للشاعر عبدالله صنيتان الشويلعي | | الكاتب: سبع الخلا | | المصدر: شبكة بني عبس