24-07-2011, 08:12 PM
|
|
آنا لو بغيت آستوعبكـ ياقل تقديري ...
,
,,
للخفوق الجدب وضلوع الوله / عطشانه
وللنظر طيف السهاد / اللي عثى فـ جفونه
وانسكب قطر الندى بـ اوراقه وباغصانه
وسال شي ٍ من دفا روح المطر ولحونه
خمسة اشهر / والشْعر يبخل على قيفانه
ماكتبته ... والبيوت بحزنها مدفـونه
لين جيتي تزرعين الهمسه الرنانّه
فالآذان وتضحكين / وضحكتك مجنونه!
قلت والدمع آتغاصّب نزفه وعصيانه
آرحبي ماقدمك الا ضلوعي المسجونه!
ادخلي قلب العذاب ... وقفّلي بيبانه
واوقظي جرحه ونامي في ظلال غصونه
أخذي احلام الجريح ودمعته واحزانه
وامحي الحرمان كله ... واعبثي بجنونه!
ارحبي يا...؟ يازهرة الرمانه
ياشذا الجوري وروح معْذبك وعيونه
والذي سوّى سواد رموشك الكسلانه
ان صوتك فجّر الخافق ودكّ حصونه
في وصالك ترقص الدنيا وهي نشوانه
وفي غيابك كنها الدنيا ماهْي مسكونه
وّقفي بينك وبينك دامك الولهانه
وارجعي لحظة من النسيان واقفي دونه
صوتك احلى عيد قبل العيد يازعلانه
وقلبك ابيض قلب واطيب قلب يالمزيونه
تسكتين وتهمسين وهمستك رنانّه
وتضحكين وتضحكين ... وضحكتك مجنونه!
| توقيع .last breath |
|
ياالله ماآقربكـ
|
|