بيت شعرالحصريات عز وكرم
وهذة مشاركة للشاعر: ضيدان بن قضعان العجمي اليامي
يقول من عدى على روس الطوال النايفات
من ضيقةٍ بالصدر كانيها وحزتها عصير
يالله يأاعظم الاسماء واجل من الصفات
يالله ياغفور وياسميع ويابصير
يارب أجرني من عذاب القبر مابعد الممات
واغفر لابي وابيه واخوانه وأجرهم يامجير
يارب انا عبدٍ خلقته من تراب و طيب ذات
ونفخت وفيه الروح وانت اللي على ذلك قدير
يارب انا ماخترت اكون الشاعر الي قاصيات
الطرق يطرقها وتصبح له ارق من الحرير
انت الذي خلقت كائن حي غير الكائنات
الحمدلك والشكر والمنة وفضل الله كثير
يارب انا شاعر واهيم بكل وادي من شتات
وأقول مالاافعل وانا مؤمن ولي قلب وضمير
شاعر ويتبعني من الغاوين كثر الغاويات
اذبنهم وان غرروبي صرت اقل من الغرير
والشعر مثل السيف ابو حدين وعيون البنات
ياليتها كانت مدى الشعار ومرسها الاخير
ما كان جبت العيد والعذر البنات المترفات
والعالم الله وش نوى قلب المقدي للضرير
البارحه هبت علي الريح من كل الجهات
حتى عرفت ان الليالي غير والوقفات غير
وقمت اتلفت بالسنين الي غدت مني فوات
وامنت بان العمر مهما طال فالدنيا قصير
كلا ً يموت وينتهي والوقت يمضي هات هات
ولاعاد يبقى الا الذكر ان كأن شر أو كان خير
والشاعر ابقى بعد موته بالعلوم الطيبات
او عكسها والوقت يأخذ والقصائد تستخير
اقرب دليل الي لهم بالبيت سبع معلقات
راحوا ولازالت قصائدهم كما البدر المنير
الاعشى وعمرو وطرفه بن العبد والعبسي ثبات
والنابغه وابن ربيعه وابن ابي سلمى زهير
والشعر فضل شاعره عمن سواه وله سمات
فضل ابو الطيب وهو سقى وابي فراس امير
والشعر مهمافضل الشاعر مقام ودرجات
مافضله بالفعل فاليوم العبوس القمطرير
اقولها وانا اعرف انها ماتلحفني العباة
التي طرفها في يدي وأكمامها في يدي الوزير
لكن على الله يامتم الصوم ومقيم الصلاة
تدفئ الكفوف الباردات ويجبر العظم الكسير
ياصحابي ياحظي المكتوب ياغلى الامنيات
ياجمل الصدفات لو ماجات يالسهل العسير
من صيف عامه ماخذاني عنك بعد ولا سبات
وانت تجاهلني وانا وضعي من اسبابك خطير
والحب ذنبٍ مايكفره التجاهل والسكات
واجهه فديتك واحسم الموقف يصير الي يصير
ولاتعلقني على امل نجوم ٍساريات
وابقى على قول البدو لولا الامل مات الفقير
ياصاحبي يااغلا السنين الماضيه والمقبلات
يااعز واغلا من على الدنيابرجلينه يسير
لاتحسب اني جاهل بعض الامور الخافيات
الي تحدك وانت مالك عن مخاليبي مطير
ادري واقدر واتحمل واتحاشي الانفلات
والا تراني في بعض الاحيان ماطيع الشوير
والصبر مفتاح الفرج والقل جراح اللهات
وسهيل يبدئ بالسماء ويهيج في القاع البعير
وانامن الي مجدهم على ظهور المسرجات
قومن مهي بتشد لا جاهاه من القوم النذير
وش عادحينٍ على شأنه وش لي بالحياة
ان كاني لااسرجتها مافرق الجمع الغفير
لعيون من حبه رسى مرسى الجبال الراسيات
والا اصطفق ماكنه الا الموج فالبحر الغزير