العمدة
والله ماهي عادتك يابـن جحشـان=تطلب من العدوان فزعه وترجيـب
نسيت وش سوو بنا يوم الاكـوان=بيوم ٍ عبوس ٍ يخلف العقل ويشيب
بيوم ٍ يشيل الراس من فوق الامتان=جرايره يشبع بها النسـر والذيـب
مابين حزب النصروطيور حـوران=حزبي رفع راسي سليم العذاريـب
صارت معارك بين حره وضلعـان=عامين عيـن يركـدن المشاريـب
مايمشي الطرقي ولا فيـه سلفـان=ومن بينا قطع الوصـل والمناديـب
حتى نصرنا المعتلي عالي الشـان=وصفتلنا من فضل من يعلم الغيـب
واليوم اشوفك يمهم تقـل شفقـان=تصغير خدك للعدو يالجحش عيـب
صحيح حنـا كلنـا يافتـا اخـوان=لكن مانرضا على فتشـت الجيـب
وان جيت ياجحشان ناصر صويان=قله يقـول العـم حنـا المعازيـب
ماذكر ببناء عبس ظالـم وخـوان=ومنزالنـا دايـم بعـال المراقيـب
ناخذ ما نوخذ يوم روغات الاذهان=ياما ثنينا دون حـرش العراقيـب
ونكان حزب النصر يذكر لما كـان=مايعود لو بافـي لحزبـه مطاليـب
وسلم وسلملي على اطوال الايمـان=حزبي وكل اللي تعرف المواجيـب
الجحش
والله مانـي يابـيـض الـوجـه غلـطـان=لكـن نويـت ارتـب الـوضـع ترتـيـب
قدمـت دعـوى يابوتركـي علـى شــان=اكسـب تعاطـف ثـم اشـب المشاهـيـب
حـربٍ بـلا تخطـيـط نكـبـة حـزيـران=والحـرب خدعـه وانـت ماتعلـم الغـيـب
مانـي وانـا زيـزوم الاكــوان جـابـان=انــا لـهـا لاغـطـرفـن الرعـابـيـب
يامـا ويامـا عثـت فـي كــل مـيـدان=وحذف الجماجم مثل بيض اللعابيب
واليـوم لـي يوميـن - جائـع وعطشـان=وانــا بـدربـي يشـبـع الطيروالـذيـب
وبومـعـمّ بصيـهـده حــط صـيــوان=ماغير يشرب من لبن شمّخ النيب
وليـا روي صلـح مـن الشعـر قيـفـان=ثم انكرز بين العمـد والاطانيـب
والـلـي يــزوزع بالحمـولـه بليـهـان=ولاحصل ابليهان غير العذاريـب
اتلـى الزمـان مـدوّر الـربـح خـسـران=وياليـت دون الربـح يبقـى علـى الطيـب
ون عـودت للحـق فـي ســر وعــلان=مـاذم ابـو تركـي عطيـب المضـاريـب
الـفـارس المـغـوار لاثــار دخـــااان=فـارس ولـد فـارس عريـب المجـاذيـب
الياحضـر يهتـز عـرش ابـن عطـووان=وخــوه الاخــر لايــودي ولايجـيـب
وأن خالـط امـواج البـحـر ثوربـركـان=راحـو مـع الامـواج مـثـل الدغالـيـب
قلتـه وانـا حظـي بـري ويـن مـاكـان=ماجـحـد ثنـاكـم يـاطـوال الاشانـيـب
عبدالباري
وش موقفي لوجيت.. فبعير وحصان=بين الخلايق.. ياكبير المطاليب؟
اتصير قصه نادره.. مالها أثمان=وأنت السبايب.. ياطويل العراقيب
الله حسيبك يوم روغات الأذهان=يالظالم اللي تظلم الزير ..وكليب
وابوك حنا عيال ..ذربين الأيمان=تبغى تفشلنا.. بحفل الأجانيب؟
الأجهر كحيلان ..وأخوه ريمان=خلوك تقنب مثل مايقنب الذيب
في الوادي اللي يأكل الذيب.. سرحان=وأنا أتفرج فوق رؤس المراقيب
مالي ومال مزاحم الانس ..والجان=والدرب (عرقوبه)..بخشم اللاحاطيب
والبال داله وأبيض الرأس زعلان=على صبيٍ ضيعوه المعازيب
مابين كسلا والقرم وأم درمان=يشعب ذلوله بالقنا والمصاليب
يشرب سراب اللال عطشان جيعان=كنه على جمر الدلال المحاديب
لو هو بكيفه جمّع أعيان الأوطان=وأذهب مزايا كاملين المواجيب
طب المحيط ومعظم السفن غرقان=والناس يرعى قلوبها الشك والريب
إنه سبب في حادث إفلان وفلان=في (عاصمة) تطلع بها الشمس وتغيب..
وأنا برئ يامجاز الاحسان باحسان=وأنت السبايب.. ياطويل العراقيب