[بنت العبسي]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]لا ياطروق الشعر باقي لي معك شي كثير=مادام هجسي بالقوافي ساري مفعولها
شاعر ولي وجهة نظر واقول ما يملي الضمير=ماني بمن ناس سوالفها تفوق فعولها
واغوص في جوف البحور اللي لها مد غزير=واتعب لها واشقى لها وانقى دررها ولولها
ولاني بعبد القرش لا والله ولا عبد الامير=آمنت باللي كل عقده في يديه حلولها
يالله وانت اللي عن اللي كل مانخفي بصير=جملني بعين العباد كبارها وزحولها
وكرهني بعين الذي يمشي مثل مشي الكسير=اللي علومه كل ما قفيت دق طبولها
وكبرني بعين العدا ولا تخليني صغير=مادمت تدري في صناديقي بيديك قفولها
وزيني بعين التي تسكن ورا الضلع القصير=اللي على قلب المعنى سادله مجدولها
اللي مطوقني غلاه العذب ولا منه مطير=اللي على حالي غلاها باين مدلولها
احبها واحنها والشوق في قلبي كبير=وامد يدين الاماني علني اطولها
متفرده في حسنها الطاغي وهي بالفعل غير=كم لي وانا اجمع في وصايفها واعجز اقولها
اوصف قوام الفاتنه والا اوصف الوجه المنير=لو اكتب اللي ما كتب بالوصف ماني حولها
متفرده واقرب دليل ان مايخاشرها خشير=حتى مليكات النحل تشفق على معسولها
لا شفتها قمت ادعي الخالق عسى الحاسد ضرير=واقول بسم الله عليها من عيون تزولها
وارقى على رجم التوجد فالصباح وفي عصير=وتطري طواري فكرة الفرقا وبيدي اغولها
واصافح كفوف الامل ولا استمع هرج الشوير=ما عدت اطيق النصح والعالم رضت بعقولها
ويالله وانت اللي عن اللي كل ما نخفي بصير= جملني بعين العباد كبارها وزحولها [/POEM]

كلمات في غاية الروعة

الله يحميك عجزت اختار بيت افضل من غيره يحميك المولى يارب

وصف للمشاعر بطريقة رائعة وراقية بداية ونهاية موفقة للقصيدة ... اعجبتني كثيراُ ....