أعزائي أعضاء منتديات قبائل بني رشيد السلام عليكم ورحمة لله وبركاته يشرفني ويسعدني أن أضع بين يديكم هذه القصيده التي أتمنا أن تنال على رضاكم وإعجابكم :
عزا الله إني عفت من كثر ماشفــــت=وما مر من موقف يزيد العيافــــــــي
طويت صفحاتٍ مضت ما تحسفـــــت=وحسبت نفسي من حساب المقافـــي
دارً جفتنــي يمـــها ما تــناكــــفـــــت=يعلها تذري عليها الســـــوافــــــــي
وأصد عن بعض المجالس لو أصلفت=وكر النمايم والعقول الخـــفافـــــــي
ناساً مجالسهم على الكذب والخفــت=يعدون عيب وعيبهم ما يشافــــــي
ناساً مذاهبهم حسب عرفنا زفـــــت=يضحك بنابه والبلى فيه خافــــــــي
وليا نصحته قال بلاه وش شفــــت=وهو بنفسه لابس العيب ضافـــــــي
وأن قلت كلمت حق قالوا تطرفــت=لو جبت بالمجلس علوم نظافــــــــي
وقت مضى صبرت واليوم وقفــت=وراعي الصبر قالوا له الحق وافـي
مير الزمن هذا من مجامله خفــت=لون خيره كثر فيه الجفافـــــــــــــي
فيه الردي ينفخ ومعه المره ضفت=وراعي الوفى يمشي بالقدام حـافـي
واللوم بين أثنين لونك أنصفـــــت=عفن الرجال وبعض سمر الغـدافــي
مير أطلب اللي وسط جوده تحرفت=اللي سجدنا له ومنه نــــــخـافـــــي
الواحد اللي في جلاله تلطفــــــــت=أنه يجنبنا دروب المــــــهــــافــــــي
الشــــاعـــــر/ حامد بن محفوظ الشويلعي الرشيدي
أبـــــــو فــــهــــد