[غربة الروح !!]

جديد ابن فطيس
جيت الطبيب اللي على الصدر مختص...
اباه يعمل لي على الصـدر تشخيـص

ثم حط سماعه على الصـدر قـال اص...
اسمع لي بصدرك حساس ووصاويص!!

نبـي نسـوي لـك اشاعـه ونفحـص...
ونمحص اللي داخل الصـدر تمحيـص

سوى الاشاعه قـال ياصاحبـي بـص...
لا يدخل بصدرك احـد دون ترخيـص

لقيت في صدرك مواطـي قـدم لـص...
والقلب مقصوص من الصدر تقصيص

وانته عن اللي سـارقٍ قلبـك ابخـص...
قلت ايه داري به وعن وضعه ابخيـص

هذاك ما يرخص لو النـاس ترخـص...
وانا بعد عنـده تـرى مانـي رخيـص

بينـي وبينـه قلبـي النـص بالنـص...
لا والله الا كـلـه بــدون تنقـيـص

يرص ويوزع واقول امش مـا اقـص...
مافيـه تكويـشٍ ولا فـيـه تخبـيـص

مـادام هـذي علتـي ياطبـيـب اص...
ماني بفـي حاجـة عـلاجٍ وتشخيـص