[نبض المعاني]

حان وقت السفر والعين عيـت تنـام

ول يالصيف كم فرق حبيب وحبيـب

نور عينى يسافر عادتـه كـل عـام

كل صيف ونور العيـن عنـي يغيـب

قاعدٍ بـس أحاتـى سفرتـه ياحـرام

جرحه اللي جرحني العام توّه يطيـب

يالله إنك تعيـن اللـي قعـد للـدوام

ماحصل له إجازة مـن رداة النصيـب

ما اقدر ألحق حبيب الروح عذب الكلام

مير ليت البعيد يصير عنـدي قريـب

واعـذاب المولـع راح قلبـه عـدام

بس يبني الأماني والأمانـي تخيـب

اطلب الله يكتب لـي بلـوغ المـرام

حيث أنا بين ربعي مير كني غريـب

طلال السعيد

الموضوع الأصلي: حان وقت السفر | | الكاتب: نبض المعاني | | المصدر: شبكة بني عبس