الحب ماهو بس قصه قصيره
ـــــــــــــــــــ نقعد نسطرها على بيض الأوراق
الحب برد القلب وقت الظهيره
ـــــــــــــــــــ حرفين طالت واعتلت فوق الأفاق
الحب خلا العين دايم سهيره
...ـــــــــــــــــــ احساس مايغفا سوى عند الإشراق
الحب قرب بين ديره وديره
ـــــــــــــــــــ ربط قلوب الناس وارخت له اعناق
الحب كلمه والمعاني كثيره
ـــــــــــــــــــ معناه هم وفرح واحزان واشواق
الحب في الانسان مايستشيره
ـــــــــــــــــــ يحببه في شخص ماهو بعشّاق
الحب حاله والمحبه كبيره
ـــــــــــــــــــ وش قد ماتمشي على ضوالأشفاق
الحب ثوره وانتفاضه وحيره
ـــــــــــــــــــ شعور دافي يمه الناس تنساق
الحب طفله في صباها صغيره
ـــــــــــــــــــ تكبر مع الايام وتهز الاشواق
الحب شي(ن) ماخفى في السريره
ـــــــــــــــــــ واضح على كل الملا بيّن رفاق
الحب فينا احنا بنات الجزيره
ـــــــــــــــــــ حب الوطن حب الديانه والاخلاق
رنين الذهب