[عيد الداموك]

حان الـوداع ولا بقـى للعتـب دور
الله لنـا وفجـوج ربـك وساعـي

دام الصداقة ما هي إحساس وشعور
مال الصداقة بعـد هاليـوم داعـي

قلبي على المقفين ما هـو بمجبـور
من باع للعشـرة مصيـره يباعـي

رح واعتبر نفسك مسامح ومعـذور
قلبي على كثر الخطا ما استطاعـي

وش عاد لو خاطرك ضايق ومكسور
مدام خيبـت الرجـاء والمساعـي

توي لقيـت لعلـة النـذل دكتـور
البعد عن شوفـه يزيـل الصداعـي

ما فيه داعي ينفضح كـل مستـور
عيني تشوف الدرب والقلب واعـي

عين بكت فرقاك تحرم مـن النـور
لا تنتظـر بعـد الـوداع اجتماعـي

الموضوع الأصلي: حان الـوداع ولا بقـى للعتـب دور | | الكاتب: عيد الداموك | | المصدر: شبكة بني عبس