تنسيق المحاوره العملاقه للكابتن والمعزب حصريــاً
هامة الشعر والحروووف الذهبيه
الطاروق هذا أرتوينا منه حد ّ الثماله
المعزب
سلام الله على الاصحاب لو جو البسيطه ماش=نجوم الليل مع ضوء القمر والشمس ملقومه
الا يالكابتن الطيار تكفى ودنا مغباش= على الطياره اللي في سماها تقل عيسومه
|
الكابتن
هلا يامرحبا ترحيب صادق من عميق الجاش= مثل ترحيب يعقوب بلقاء يوسف ومقدومه
توكلنا على الله والمعاني صرفها بالكاش =يحل البيع بجزل مفرده من قبل لا تسومه
|
المعزب
يدوم ابك البقا ياللي ترحب والكبود عطاش=على شرواك ياللي ياخذ الراوي من علومه
ترى راع القراوي في قراه وراعي الادباش=لديهم ياوسيع العرف باللي قلت معلومه
|
الكابتن
تبيها ديم والا سحب والا ودك ترشراش=انا ودي تخير من ثلاث خيار ديمومه
لو اعلومك قبل لا يطلع الجوال قلنا عاش = لكن هلون ضيقت الصحيح وضاقت اهدومه
|
المعزب
اخاف ايصبك اللي قال مابراس الغزال عراش=ولانكسب من الراوي ياغير احداه وحلومه ههههه
ليامنه دخل فكرك سوالف عمك الغشاش=تعود طايرة كبتن فريق الشعر منجومه
|
الكابتن
انا ما اعرف علم الغيب لكنك علومك ماش =ليا طاح الغزال المسك في دمه وحلقومه
مدير المدرسه ما ينزعج من هرجة الفراش=لحيثنه ليا منه زعل يعطيه مقسومه
|
المعزب
دخيل الله لاتاخذ مواقيف العباد ابلاش=ترى هذي على شرواك محسوبه ومحسومه
انا اشوفه ضرب عندك ياكابتن بالخيال افلاش=تريد الصدق ياكابتن ترى روياك معدومه ههههه
|
الكابتن
يقولون البدو ما ضيقة الشوكه من المنقاش=لكن الشوكه انكانك بغيت الجد مسمومه
اشوف إن السماء صافي تقول انته علينا غطاش=وليا منه تعادكم نظر شرواي لا تلومه
|
المعزب
سمعنا قبل لاتقول المثل بامسلسلك ياطاش=ترى جرتك ياراع الجريمه ماهي مدهومه
غرور الوقت لايخليك ترقد ماتحتك فراش=تمعن باالمحيط اللي وصلته قبل لاتعومه
|
الكابتن
عسى تسمع من الامثال اميلح عارض الطراش=علامك ما استفدت من المثل حكمه ومعلومه
معزب يامعزب لاتنوش الجمر ما يناش=علينا لا تزرهب جودت الابيات مختومه
|
المعزب
اعرف مليح لامنه زعل عند العرب يهتاش=ترى هذا المثل عليك تركيبه ومنضومه هههههه
هبوطك في ماقلته لجل عن معنى الهدف تنحاش=ترى العالم تعرف اللي نقوله ماهي معدومه
|
الكابتن
عميق الجرح ما ينفع به التعقيم والا الشاش=اثرك من العريب اللي بحد الشعب ابو دومه
بعد ما بانت الصوره نبا نبيع الذهب ببلاش= عشان الناس ما تقسم للمعطيه ومحرومه
|
المعزب
اعرف الحر الاشقر يالسهيئه مدري الخفاش=ليا حلك عليها ليلها تاخذلها حومه ههههه
بعد سريت بعض بيوتنا يالشاعر المنداش=ترى عيونك يعذبها السهر تبغالها نومه
|
تشرفت باللعب معاك ياكابتن تصبحون على خير جميع
|
أبدااااااااااااااااااااااع لا يضااااااااااااااها سلم الله لنا أصحاب هالشوارد
صح للسان الجميع
آخر تعديل بواسطة عبداللطيف العايضي ، 14-05-2011 الساعة 03:03 AM.
| توقيع عبداللطيف العايضي |
|
أحد يقرأ مسج منك ولا يقض النهار بخير=أحد يسمع ندى صوتك ولا تتحقق احلامه
أحد شافك قدم عينه ولا يمسي مساه بخير=أحد ضمه دفئ كفك ولا هنيت له أحلامه
يطول العمر في قربك لو إن العمر كتب قْصير=وليا مني فقدتك يوم قلبي نكس إعلامه
للشاعر / عبداللطيف العايضي
|
|