ياسالم الياجيت حايل على خير=ومريت في حين كياني كيانه
بالذات هاك الحي ياخوك لي غير=ياخوك من يسوى بقلبي مكانه
حين اسكنته سيد كل الغنادير=اللي الها بالقلب بيتن وخانه
راحت مراح امقيط في قاعة البير=ودمعي عليها مايكف اذرفانه
علمي بها قالت ابليا معاذير=يالله بمان الله كلن وشانه
قلت السبب قالت زمان ومقادير=وامنتك الله لاتخون الامانه
قلت الغلا قالت ومن دون تفسير=غلاك عندي ماتغير مكانه
وأقفيت مثل اللي فقد له مناعير=ولا فقد له واحدن من أخوانه
وانا الذي وافي مثل سالم الزير=الفارس اللي نادرن في زمانه
لاشك ياسالم زمان ومقادير=وامنتك الله لاتضيع الامانه
مرشد الصقعان