سوا اللي براسك ولا تذكر اسبـاب ...!!
سوا اللي براسك ولا تذكر اسبـاب
لا صرت بايعني توكـل علـى الله
مابيني وبينـك مشاريـه وعتـاب
شف دربك اللي جيـت منـه تدلـه
ماراح تغلبني لـو الحـب غـلاب
من حضرتك عشـان قلبـي تذلـه
في ذمتي لجعلك عبـره للأحبـاب
لين الخليل يتوب عن جـرح خلـه
زلاتك اللي مانفـع فيهـا احسـاب
لاجيـت اعددهـن ثمانيـن زلـه
احرجتني بين القرايـب والأحبـاب
كن الجفا سيـف بوجهـي تسلـه
ماكنت أقصر فيك من كثر الأعجاب
يومك تساوي عندي الكـون كلـه
كنت القريب وكلهم كانـوا اغـراب
حتى القمر لاغـاب شفتـك محلـه
خلاص لاترجع ترى خاطـري طـاب
الخآطر اللي كنـت عايـش بظلـه
راح واعتبرني واحد اذنـب وتـاب
مانـي بثـوب تلبسـه ثـم تملـه
مايجتمع بالحـب صـادق وكـذاب
رزقي على الله وانت رزقك على الله