ياوقت ماتأوي ولا ترحم الحال
في مامضى ياوقت لاعاد تطريه
مابي اعيش بيوم فيه السهر طال
ولابي تذكرني غلا شخص ناسيه
خصوصاً اخر يوم في شهر شوال
اول جروحي يوم انا التقي فيه
من يومها ياوقت قلبي معه مال
وصارت عروق القلب ياوقت بيديه
ياما رجيته عزز الحب بوصال
وياما رجيته عالج الجرح وشفيه
ومع الاسف صوتي صدى داخل جبال
الا يعذب في ضميري ويكويه
من بعد ذاك اليوم والدمه سيال
وليته يسد الدمع ولا يكفيه
ياوقت لاتطريه ياليت ينشال
ولاتحذفه من حياتي وتمحيه
لان جرحه باقي حي لازال
ينزف على قلبي عجز لايخليه
ارجوك انا يوقت ترفق على الحال
والي مضى ياوقت لاعاد تطريه
سعود