عاشق المستحيل
ياذيب وين ايامك اليـوم ياذيـب=ماعاد في ذا الوقت غير الحصاني
امن اول ٍ تقضي على شمخ النيب=واليو اشوف الذيب مثل الضواني
الذيب سرحان
اذا بغيت الذئب عد المراقيب=للدوره من بين هطل الاذاني
الذئب لو صارت حياته عواقيب=مايختلف مثل اختلاف الزماني
عاشق المستحيل
بس البلا ناس ٍتسمـى باشانيـب=وتحوم من بين البشر والمبانـي
ميرانت من ربعي هل العز والطيب=ولا من ايـات البشـر يافلانـي
الذيب سرحان
مالك ورى ضعوف الاوادم مطاليب=ارفع مكانك عن ضعوف المكاني
سرحان عبسي النسب سالم العيب=خلك مثل سرحان يامودماني
عاشق المستحيل
هرجك صحيح ومابة اية عذاريب=وانا عزيز وعزتي عـز شانـي
والنعم دامنك من اهل المواجيب=واهل الوفا واهل العلوم السماني
الذيب سرحان
بيني وبينك تطلع الشمس وتغيب=لكن عزيزا واحدن من اخواني
باتت اجنيهات الذهب بالدواليب=وللي ابال الذيب راح ابثواني
عاشق المستحيل
والحظ يخطي نوبة ونوبة يصيب=ونوبات تلقـا بالزمـان الهوانـي
بكرة تشيب اصحاب الاموال وتخيب=ويخيب من مايحسب العمـر فانـي
الذيب سرحان
ياما سرينا فوق عوج العراقيب=والدرب موحش مايعرف الاماني
مانلتفت بمنفخين الغابيب=اهل البطون ملحسين الصياني
عاشق المستحيل
راحت ليال العمر حوسة وترتيب=والصاحب اللي ماجفيتة جفانـي
والعمر رحلة واليالي تجاريـب=ولابد ماتلقا الردي والحصانـي
الذيب سرحان
هاك الرساله حطها داخل الجيب=واخبر جحشكم ياسهيل اليماني
قله يقول الذئب مافيه تجنيب=يجيبك الله واسود الليل داني