[رشيد]

.

على كثر القصيد [ وكثر ] ماجاب بالخيال أفكار
تعبت ومالقيت .. إلا .. ثمان أشياء تشبه لكـ
(نورالشمس) ( لون الغيم) (طهر الماء) ( وصمت النار)
(لين الورد) (فجر العيد) ( ملكـ ) (وإنسان ) ياسهلكـ

إذا كان العنا رحله .. بسميك .. آخر المشوار
وإذا صار البخل [ عمري ] جزاي لبسمك المهلكـ
تجيني أحلى من البشرى تغيب لو يوم تشين الدار
هديه للزمن جيتي من (الله) عن طريق أهلكـ

صحيح المدح [ لو يقدر ] يقوم بنفسه ويختار
غدى عباد شمس (ن) لا لمح زولك توجه لكـ
ضيا تسعين شمس والف بدر ونجمتين كبار
أخاف آقول ظلك وأضلمك والعز كله لكـ

غيوض ومايغيض .. النرجس .. إلا ضحكة النوار
وكل الجود لو يفنى [ بلى ] من زود حبه لكـ
ورثتي مجد أبوك وجاك منهو زبنت المنجار
أبو خيرين دماح الخطا والعمر مده لكـ

أنا وش عاد أقول إن صرت في وصف الغلا محتار
شعور ماقدر .. يوصل .. سماك وقلت أزمه لكـ
على كثر القصيد وكثر ماقلنا من الأشعار
عجزت ومالقيت [ إلا ] سموك بس يشبه لكـ



عادة اكتب اسم القصيد واسم شاعرها
لكن هذه القصيده لا أعلم من هو كاتبها.؟؟؟
اللي يعرف يبلغني وله شكري وإمتناني
ما اقول ألا : صح لسانه وبدنه وكيانه.
سمعتها أولا كأغنيه وقد شدى بها / رابح صقر.

الموضوع الأصلي: عـلـى كـثر القصـيــد .... | | الكاتب: رشيد | | المصدر: شبكة بني عبس