عرض مشاركة مفردة
  رقم المشاركة : [ 1  ]
قديم 23-04-2011, 03:59 AM
نوماس5
عضو سوبر
رقم العضوية : 7500
تاريخ التسجيل : 13 / 5 / 2009
عدد المشاركات : 3,585
قوة السمعة : 19

نوماس5 بدأ يبرز
غير متواجد
 
الافتراضي فمان الله يا اول من سكن بين الضلوع العوج
فمان الله يا اول من سكن بين الضلوع العوج = عسى دربك سفير ويا عسى الله ما يخليني
توكل لاتوادع رح عسى درب الجفاء المسهوج = يصادف درب فرقا عقبها ما تلمحك عيني
سمحت من الهوى ومن القصيد ومن زراق الموج = ورميت اغلى مجاديف الغرام وجيت بيديني
اباغرق في عذابك لا رحلت ويصبح المنتوج = قصيدٍ في حياتي سلوتي وان مت يرثيني
واذا هبن بنات الريح للذكرى بدون سروج = ابسرج مهرة النسيان وارحل من عناويني
وابنسى لين اسج وارسل الونات فوج وفوج = وابنسى دمع عيني ينتثر وانساك من حيني
صبور? اي والله اني ما ثنيت العزم قبل ادوج = بريضان الجفاء واضما لوصلك لين تسقيني
شجاع? اي والله اني ما عرفت الذل قبل اسوج = قدم رجلي على دربٍ لبيت اهلك يوديني
كريم? اي والله اني ما عرفت الشح قبل تروج = دموعي في عيوني ثم اشح بحسرتي فيني
احبك? حسبي الله ليت مالك في سماي بروج = ولا لك في البسيطه كود شي بينك وبيني
دخيلك لا تلفت رح بفالك واترك المرجوج = تغانم ما بقالك ولاّ انا ماعاد يمديني
فمان الله سق ركبك على درب السنين العوج = ولكن طالبك لـ اقفيت عني لا تخليني





توقيع نوماس5