جيت اسئلك
جيت اسئلك كيف بحر الهجر يقطع ضماك =وانا عليك اشتكي شوقي وميت ضما
جيت اسئلك عن نجوم(ن)في سماي وسماك=اضوت طريق الفراق وضاق صدر السما
وطيت هيبة غلاي اللي بدا من غلاك=وافرحت عين الجفا ياعلها للعما
واسرفتني بالجروح ولادواني دواك=ورميتني للغياب اللي علي ارتما
وقلبي يجامل جروح مفارقك مانساك=سلاحه الصبر وجيوشه ترود الحما
ماقلتلي كيف حبك ساقني للهلاك=وماقلتلي كيف حبك حل سفك الدما
شرهة حنين الوصال تعاتبك في خطاك=وشلون مايستحي قلبك لماذا لما
صافحت كف الملام ونزلْت مستواك=في عين من يعشقك واصبح رهين الضما
منقول من الموقع الرسمي للشاعر مشاري سرهيد