السلام عليكم ورحمة الله وبركاته
اضع لكم اخر اعمالــي في الشيلات واتمنى ان تنال على إعجابكم
يا كثر ماجات في قلبـي وفـي بالـي
أشيـاء ماطلتهـا وأشيـاء طايلـهـا
ودعت حلـم الليالـي وانـت تبقالـي
منازلك بالحشى مـا أحـد ٍ ينازلهـا
قصيدتـي لاوصلهـا صـوت موالـي
قامت وفلت علـى المعنـى جدايلهـا
مجنونـة ٍتقلـب الاول علـى التالـي
ماوقفت عنـد صـح السـان قايلهـا
البارحه جيت للضيقـه علـى فالـي
وقعدت اقلـب مواجعنـا مـن اولهـا
صدفه قعدت اتعبـث وسـط جوالـي
ولقيـت حاجـات ماكنـت اتخيلـهـا
أحبك..أشتـاق لك..طولـت يالغالـي
رسايـل ٍ سمـح الله درب مرسلهـا
حتـى قصايـد غيابـه مالهـا والـي
من يـوم ماغـاب والنـاس اتناقلهـا
من منطلق ضاق صدري وانبرى حالي
بقول كلمه كـد ابكـت عيـن قايلهـا
الطعنه اللي تجي مـن واحـد ٍغالـي
حتـى الرياجيـل ماتقـدر تحملـهـا
كلمات الشاعر : خالـد الهبيـده
آداء : بدر الصابري
منقول
من ابو نـآصر