ارتاح لا ارخى ظـلام الليـل جنحانـه
وجريت جمر المناره تحـت معمالـي
اسج واسري بفكـري واطلـق اعنانـه
يحلالـي الليـل والتفكيـر يحـلالـي
افكـر بصنـع رب الكـون سبحـانـه
ويمضي بي الوقت وانـا دالـه سالـي
يومٍ ن بعـض الاوادم صخـر السانـه
لمجالس اهل الخنـا والقيـل والقالـي
زين له ابليس عرض افـلان وافلانـه
يبهت ويهتـك عسـى مافالـه ابفالـي
صحيح بعض المجالـس مالهـا خانـه
والبعد عنهـا بجـو الوحـده اشوالـي
