[بندرأبن طريف المظيبري]

حبيبي جيت ابشكيلك اخذ عمري وروحي ..
.. ابحكيلك عن اوضاعي وابيك اليوم تسمعها ..
.. ابي من وقتك الغالي ولو لحظه وتسمعني ....
انا جيتك بعد ما ضاقت الدنيا من اربعها ..
.. جلست البارح ألحالي لأنك ماتكلمني ..
.. واشوف اهموم هالعالم تجي عندي واجمعها ..
..حبيبي اعتذر مره وقول ارجوك سامحني ..
.. وانا مثلك بعد اسف وهالزعله نضيعها ..
.. ترى مالي احد غيرك اذا انت بتخاصمني ..
.. تطيح الدمعه من عيني ويجري غصب مدمعها ..
.. طلبتك لملم اشواقي كفا البارح تبعثرني ..
.. قسم بالله بس تزعل احس الروح اودعها ..
.. حرام العمر يسرقنا حبيبي ارجوك تفهمني ..
.. تعب صوتي اناديلك ابي روحي ترجعها ..
.. دخيل اعيونك الحلوه تبسم لا تجنني ..
.. ترى روحي من البارح وهي تنقل مواجعها ..
.. زعلت وجيت ابشكيلك بعدعمري تصدقني ..
.. كرهت الارض فغيابك من اولها لسابعها ..
.. بعد هالعمر والعشره حبيبي ليه تسألني ..
.. احبك ؟ ايه احبك .. وخل الناس تسمعها

الموضوع الأصلي: حبيبي جيت أشكيلك خذ عمري وريحني .. | | الكاتب: بندرأبن طريف المظيبري | | المصدر: شبكة بني عبس