إي والله أهوجس ولاني بمرتـــــــاح
والحزن فى حوش الحنايا بفــــــاروع ,,
أمسيت من وصل المواليف مــــــزاح
وأصبحت من فرقى المواليف مفجوع ,,
البارحه في غبة الوصــل سبـــــــاح
واليوم من عرش المواصيل مخلــوع,,
ياصاحبى صرح الهوى والوفى طاح
والقلب كنه من عراويه مقشــــوع,,
كان أحسب إن لحبنا عشـــرة أرواح
إلين شفت الحبل بيديه مقطــــــوع,,
العام خلي يسمع القلـــب لا صـــاح
واليو مهما صاح ماهو بمسمـــــــوع,,
يوم العهد به حده إسبوع لـــى رآآح
إسبوع ويعوّد علـــي شوق ودمـوع ,,
واليوم خمس سنيـــن والهـم مازاح
هم الفراق الي بلا عذر مشـــــروع,,
أستغفر الله تسعة شهور ياصــــــــــاح
في غيبته قمت احسب اليوم بأسبوع !,,
ضاع الحساب وشفت برق الجفا لاح
وأيست لو إلا إن الرجا فيّ مـــــزروع,,
وحالى نحل والحال مهوب منســــاح
من كثر ماأظمأ للمواصيل وأجــــــوع ,,
بليت في من دونه سيوف ورمـــــاح
وغدا علي وصله مثل حبة الكــــــوع ,,
له مني إن سره على الناس مابــاح
ولي منه إن الصد غصبٍ بلا طــــوع,,