لاهب نسناس الشمالي لـه أطرقـت علّه يجيـب بنسمتـه صـوت غالـي
صوت ٍ ليا من داعب السمع روّقـت حي الهبوب وحي طـاري الشمالـي
وين أنت يامن تسكن الروح ما اشتقت؟ طالـت علـيّ بغيبـتـك هالليـالـي
شوي لـو قلـت بغيابـك تضايقـت يعني طرالـي شـي ماقـد طرالـي
أخـاوي الدمعـة وإذا جـات دنّقـت مابي دموعـي تحـرج اللـي قبالـي
كذاب طيفك بـس أنـا فيـه صدقـت لأنـك ولا لحظـة تعديـت بـالـي
إن كـان حدتـك المقاديـر والوقـت معذور ماجـا للعتـب بـك مجالـي
يكفيني انـي بـأول العمـر حققـت معـاك أغلـى حلـم مـر بخيـالـي
وإن هزني في بعدك الشوق واشتقـت سجيت رجلي ورحت وجهي شمالـي