ياصاحبي الدنيــــا حكــايــات وعلــــــوم
قصص عجيبه تذهل اللي قراها
الدنيا لـــو تضحـــك مـعك دايم الــــدوم
خلّــك فطــين ولايهمّــك رضـاها
كم واحــــــدٍ تبــــنى لـه آمـــال وحلـــوم
يفنــى وغـــيره يهتــني في بناها
بحر الحياة ان صرت ماتعرف العـــوم
يرمــيك في غـــبّة بعـــيدٍ مـــداها
واجــه هبـــوب الوقت بايمان وعزوم
لابــــد ماربّـــك يهـــــدّي هــــواها
واصبر اذا شمسك حجب نورها غيوم
الغــــــيم يتفــــرّق ويشرق سناها