اللي يغني علـى ليـلآه وضنونـه
مايدري انه عذاب القلب وعلاجـه
يامدعي بالهوى والحـب وجنونـه
لو تعرف الحب ما ضيعة بسهاجـه
الحب بلوا وقلبـي صـار مفتونـه
ياما شكيت الهوى لليـل وسراجـه
احيان اضيع قصيدي داخل شجونه
واحيان روحي معه راحة بدولاجـه
عليك ياللي بوسط القلب مصيونـه
مصيـونً بالغـلا وتشيـد ابراجـه
هي ملهمة فكري وقلبي ومضمونـه
أكتب لها من صميم القلب ونتاجـه
وسقيتها بالغلا من صادق امزونـه
ونثرتها فالـورق والنـاس لجاجـه
الحال ضنكا وقلبي كثـرة اطعونـه
اسري مع الهم والاحزان منهاجـه
شربت كاس العذاب اللي يسمونـه
لجله ولو ضاع عمري فدوة احجاجه
قصة غرامي تثير الشعر وألحونـه
غنيتها والبحر في عينـي أمواجـه
ما جيت أغنيه لجل الناس يوحونـه
جيته على شان يتم الوصل بمواجه
هذي حياة العشق يا مضيع أفنونـه
هـم وغرابيـل والايـام منعاجـه
ولا شك كلً يقيس الـدرب بعيونـه
وأنا أعرف الحب مدخاله ومخراجه
واللي يقول الهوى شكله على لونـه
ناسً عن الحب ما تعرف ولا حاجه