ياما على شأنك فقد جفني النوم
وياما على شأنك كسرت المحاذير
وياما سكن في هاجسي أفكار وحلوم
وإذا شرد لي فكر تأتي تفاكير
لا والله اللي صار في حبك علوم
ولا والله اللي فاق كل التفاسير
وان كان عذالي تبي تكثر اللوم
من شان حبك ارفض اللوم وأغير
أنا ادري أن الحب قاسم ومقسوم
وآنا ادري انه لو كتب شي بيصير
وآنا اعرف أني فيك هايم ومغروم
ولا أريد منك غير عطفاً وتقدير
في كل يوم أقول وش يخفي اليوم
وصرت أقراء بوجه الزمن كل تعبير