اخواني مشرفي واعضاء وزوار شبكة بني عبس اقدم لكم التنسيق النهائي للمحاورة
التي جرت بين الشاعرين العملاقين الشاعر ناصر مرسال الخياري
والشاعر عبدالله عتقان السلمي ..في يوم الاحد 6/11/1427هـ ..اتمنى ان شاء الله ان تحوزعلى استحسانكم.
ناصر مرسال الخياري:
يامرحبا بالضيف ابن عتقان بين ابنا رشيد=والناس واحد من بطن حواء ومن ظهرآ دمي
الليله الطاروق ناري من وقود ومن حديد=ياشاعر السلمان ياخال الرسول الها شمي
عبدالله عتقان السلمي :
تبقون والله ياهل الطالات والراي السديد=أضف على ذلك كرمكم يالنشاما حاتمـي
كلٍ يثقـل خطوتـه والله يدبـر مايريـد=وأفضل مجال مناقشه حول المحيط العالمي
ناصر مرسال الخياري:
ماذمكم ياربعنا السلمـان فـي يـوم الكديـد=تاريخكـم يشهدعليـه اليعربـي واليعجمـي
عشرين عام من الجبال السود تطرون الشديد=ماكـن للبـدوان فالضلعـان حـق ولازمـي
عبدالله عتقان السلمي :
ياصاحبي ناصر نبيها من بعيد إلى بعيـد=والصيده الي تعترض قناص لازم تنرمـي
أجبالنا منها خرج طارق لكم وإبن الوليـد=دقق يأبن مرسال في هرجٍ سمعته من فمي
ناصر مرسال الخياري :
الصيدواجدواعتقدماكـل صياد(ن)يصـيـد=كم واحد(ن)حاول يصيدالصيدواخطاءبالرمي
اجبالكم ماجيتها جيـت الظبيّـه والخديـد=لقيت فيهاالبدوعطشامع طلـوع المرزمـي
عبدالله عتقان السلمي :
الظاهر أنك منت فاهمني وأنا اكرر وأعيد=إذاً عليش أحتاجلـك يابندقـي يامحزمـي
تهرج يناصر عن ديار الناس لو ما ستفيد=ليتك تشوف إيران بعدك يامحمد خاتمـي
ناصر مرسال الخياري:
جدي وبويه بدووأعرف الصديرمن الوريـد=وأقول لك وش فرق ماءهداج من ماءزمزمي
لو الحياه تدوم دامـت للمهلهـل وبوزيـد=والخوف ماسلّم ولافك الخروف الارخمـي
عبدالله عتقان السلمي :
هداج تيماء يالخياري مـاه ينقـص مايزيـد=لكن زمـزم معجـزة رب العبـاد الأعظمـي
أموت ماسمع رابح وراغب ولا الأطرش فريد=وألا أنت ياناصر لحـد ذولا الثلاثـه تنتمـي
ناصر مرسال الخياري:
ياعدهداج الرويّ تضرب بك امثال وقصيـد=كم قال فيك من القصيد العذب عبسي وسلمي
انت اول الرواد يـوم العلـم بالعهدالجديـد=سبحان من ردّك من الزهره معافى سالمـي
عبدالله عتقان السلمي :
ياصاحبي ناصر على قول المثل مابه جديد=أهب ياهذا الخيـاري والله أنـك ظالمـي
الله يعلـم بالشقـي والله يعلـم بالسعيـد=حاولت أفهم لي عرب لاكنهم صمٌ عمـي
ناصر مرسال الخياري:
يهب نسناس الهوى وتميل ياخضر الجريد=وانا بدربي واثق الخطـوه ولازل إقدمـي
مامرعذر أشدّ واقسى باس من عذرالبليد=اللي على سبّورة الطالب يخط ويرسمـي
تحياتي للجميع..
0
0
0