ما نسيتك حتى اقول اني ذكرت
ولا سليتك حتى اقول اني سليت
كل ما سبلت بعيوني حضرت
عايش في قلبي الي به ربيت
جيتني من بعد ما غبت وظهرت
والاماني بين حي وبين ميت
انتظرتك وانتظرتك وانتظرت
ويوم ضاع العمر قلي ليه جيت
ياكثر وقت على شانك هدرت
وانت لاهي ياحبيبي مادريت
وياكثر مانامت الناس وسهرت
مع خيالك ياحبيبي كم سريت
كم وكم دورت لك عذر وعذرت
والمعاني تنتحر بي بيت بيت
ايه ما زلت اعشقك لكن صبرت
والدليل اني على شانك عزيت
كل ماطروك صديت وزفرت
وقمت اجاوب ونتن منها بكيت