[سلطان الدويله]

مريت صدفة واريش العين طايف
ساعة لمحني صوب القلب برفوق




ياليتني ماشفت ناب الردايف
ولا عرضلي مدمج الساق بالسوق




يوم ابتسملي بالثمان الرهايف
فزيت له من خافي الود والشوق




سبحان من صور حسين الوصايف
مصوره رب الخلايق على الذوق




بالعين و المبسم و حمر الشفايف
وخد(ن) و قد(ن) و طول والعنق منتوق




رعبوب نبنوب(ن) هروجه طرايف
اميزه ربي على كل مخلوق




عندي ابزينه فاق كل الطوايف
هذا و كلي له مع الناس معشوق




متى متى يلتم شمل الولايف
ويلتم شمل اللي من الهم محروق




لو كان راح ولا تفيد الحساايف
أقفا عقب ما تل بالقلب معلوق




كلمات : الشرح


مع تحياتي لكم سلطان حبيب الدويله

الموضوع الأصلي: بالعين و المبسم و حمر الشفايف ..... | | الكاتب: سلطان الدويله | | المصدر: شبكة بني عبس