أنا ما ذبحني كود راع العيون السود
ابوقذلتن فوق الحجاجين جذابه
ذبحني بنظراته وعندي عليه شهود
الا ياالنشاما فيه انا اموت واحيابه
أراقب نجوم الليل و العالمين رقود
ولا عندي الا القاف فيه اتسلابه
وحالي من الفرقاء تهزه هبوب النود
وعزي لمن مثلي طريق الهواء صابه
انا حدني عن شوفته حظي المقرود
وطريقه صعيبن و العرب سكرو بابه
اداريه واعزه وفي ضامري موجود
واحبه و احب مواجهه و ارغب ترابه
انا كل ماسجيت عندي غلاه يزود
ومن بد كل الناس مافكر الابه
صح لسان شاعرها