السلام عليكم ورحمة الله وبركاته
هذه محاوره بيني وبين الشاعر القدير عبيدالله المجيريشي
ـــــــــــــــــــــــــــــــــــ
ـــــــــــــــــــــــــــــــــــ
عبيد الله المجيريشي الهذلي
سلام الله سلام ايقـرر الشوكـه علـى الميـزان
ومن يبخص موازين العرب تبخـص موازينـه
تهرج ياحسن والعرف يطلع من عقل ولسان
لـونـه ينـشـرى بالـمـال كــان الـنـاس شاريـنـه
حسن مضيف الهذلي
هـــلا يامـرحـبـا تـرحـيـب وافـــي والـوفــا عـنــوان
ولانبخص حقوق الناس وانشد حرب وجهينه
ابهرج معك وانت اهرج معي بسم الله الرحمن
وانــــا ويـاكـ شـديـنـا الــرحـــال لـغــايــة ن زيــنـــه
عبيد الله المجيريشي الهذلي
شهود الدعوه اللي جبتهم ماعرفوا الحدان
وناعندي قضاه يطلعون الحـق مـن عينـه
ثنين امزكيـه عنـد العدالـه والشهـود اثنـان
تصـدر دعوتـك والنخـل تمـره فـي عراجينـه
حسن مضيف الهذلي
ولا ياصاحبـي ماجيـب لـك حجـه بــلا بـرهـان
لـكـنــك لاتــشـــك فـعــلــم عــنـــدي لـكـ بـراهـيـنـه
انا ادري وانت تدري مابنينا الا على سيسان
يوم ان البعض يبني بنيتـه بالقـش والطينـه
عبيد الله المجيريشي الهذلي
اناكم قلت لك خل المكان.. السر في السكان
ومــن دل الـهـدى تـطـرد ملايكـتـه شياطيـنـه
براكـيـن الطبيـعـه ثـايـره بـركـان مـــن بـركــان
تـرى القطـر الشمالـي ماتبـا تـهـدى براكيـنـه
حسن مضيف الهذلي
صـبــي هـذيــل مـايـرمـي بـــلا حــبــه ولا نـيـشــان
وانا حاسب حسابي واعرف الحنظـل مـن التينـه
زرعنا الزرع مانحسب حساب الطير ابو جنحان
وانـا ادري ان الخطـر مبعـد ولـو رفــت جناحيـنـه
عبيد الله المجيريشي الهذلي
تمنى الا منيه والامنيه يلقي بها الشيطان
وهـذا يخلـف الجينـات ماجيـنـه كـمـا جيـنـه
لياشفت الغراب اتقول لي هذا من الغربـان
اقولك حكمة الله كل مخلوق(ن)علـى دينـه
حسن مضيف الهذلي
تــرى مـاهـو محـقـق غايـتـه يـاذيــب يـاسـرحـان
نـشـم الــزاد لــو اهـــل الـعـشـا غـطــت مواعـيـنـه
في عصر العولمه كلا يشوف انه وسيع بطان
وهـذا مـن يـسـاوي فــي يـسـار الــدرب ويميـنـه
عبيد الله المجيريشي الهذلي
لياشفـت الطمـوح اقـول هــذي فـطـرة الانـسـان
طمـوحـك لايـقـودك للطـمـع فــي بـيـعـة العـيـنـه
انا سامع باذانيه عوى ذيب وصهيل احصان
وبـاوصــي المـسـافـر يـحـتـزم سـيـفـه وسكـيـنـه
حسن مضيف الهذلي
تـرى مـن قــام لله طـامـع ن فالعـفـو والغـفـران
وبـرج الحضرمـي شيـده مـن مكسـب دكاكينـه
معي بندق يابن عمي ومحزم بالفشك مليان
ولا بخطي الهدف مضمون لو مرماه ياشينه