[رسام الغروب]

لاتنشدين الغصن وش فيه ذاوي = مليت اجاوب كل من صاح نشاد
هذي مواري علتي والبلاوي = وهذي مواري دمعتي حزن وحداد
هذي جروحٍ مبطيه يامضاوي = دايم عليها تنزف اجروحٍ اجداد
جرحٍ عطيبٍ وازرق الدمع كاوي = وليل الشقا يضرب على خافقٍ باد
جرح الزمن اصبح لقلبي مخاوي = مثل الرفيق اللي عن الدرب ماحاد
اسير قلبي في همومه شقاوي = كنه سجينٍ سيق للموت منقاد
لاعاد له ضحكٍ ولا له شقاوي = ولا له مع العالم تباشير واعياد
بين الظلوع يجر صوته خلاوي = يغني جروحه شقى .. هم واسهاد
وش حيلته لاصار طيره نداوي = الوقت جاير والمخاليق نقاد


الشاعره فاطمه المطيري

الموضوع الأصلي: جرح الزمن اصبح لقلبي مخاوي | | الكاتب: رسام الغروب | | المصدر: شبكة بني عبس