للشاعرة (الراسيه)
بسم حواء بسم كل النسا اللي فهذا الكــــــــون=بسم كل امرأه تحمل جوازك يالسعوديــــــــــــه
بسم بنت الشمال اللي انجبت واحد من البليون=بسم حتى نساء الارض انسيه وجنيــــــــــــــه
عليك اسم الله اكبر ياملكنا يامليك العــــــــــون=عليك اسم الله اكبر يابعد من ربت ايديـــــــــــه
انا ما ابالغ ان حتى الثرى ذراته يلبـــــــــــون=تبوس الارض رجلك لامشيت بكل حنيــــــــــه
نحبك لا. نعشقك والاوادم خلهم يحكــــــــــون=وابخلد قصيدن فيك ماصاغته انسيــــــــــــــه
ومن لايعشقك ياسيدي في ذمتي مجنــــــــون=فحكمك صارت الدنيا فعين البنت ورديــــــــه
الا ياسيدي ياسيدي ياسيدي وشلــــــــــون=ابرد الجميل شلون والقيعان محميــــــــــــــه
ولو جتني على كيفي ترانا للجنود عيـــــــون=نبي نحمي ثرى هالارض لوجيناك عبريــــــه
ترى ارواحنا جاتك عطيه ماهي بعربــــــــون=تحت امرك يابو متعب تجيك الروح برقيــــــه
ابجند لجل عينك بنات من الوطن يمشـــــــون=يعرفون المسافه بين رجلك ذي مع ذيــــــــــه
فداك احنا وما انجبنا فداك اللي يبي يلفـــــون=فدتك ارواحنا يا اللي سقيت الارض وسميـــه
يابو متعب ترى حنا بناتن للرجال نصـــــــون=لان احنا بنات رجال نعقد الطيب والنيــــــــــه
تعلمنا الوفاءمنك وصرنا للوفاء مضمــــــــون=وغديت النور لعيونن خذتها راس شبــــــريه
ثلاث سنين من حكمك وسيفك للعدا مسنــون=على راسه ترفرف راية التوحيد حصـــــــريه
ثلاث سنين والدنيا غدت زهرن وفــــل ولون=غدت حتى بقاع الارض من يمنــــــاك زهريه
ولو حطو ملوك الانس في كفـن عليها سكون=تبي ترجح بك الكفه بنسبـــــــــــة الف بالميه
ولو قالوا انهم مثلك قســــــــم بالله ان يبطون=ابد ما الله خلق مثلك فنســـــــــــــل آدم وذريه
خلق ربي ملك واحد وخلقه كلهـــــــــم يدرون=ولو صفو لي الثقلين ماربي خــــــــــــلق زيه
نذرت العشق لعيونك وجيتك امشـــي الطبلون=لان الله كتب عشقك بقدرتــــــــــــــه الالهيــــه
ياعبدالله يابو متعب سهرت وشعبك ينامـــــون=وغيرك نايم وشعبه يذوق الموت فجـــــــــريه
ولو نادتك حبات الرمل نفداااك مايكفــــــــون=ولو بحت حناجرنا بأسمك كل عصــــــــــريه
ولو جفت عروق الدم وهي تسقيك مايوفون=ولو حتى طبخنا لك على الكفيـــــــــن جمريه
ابد والله مانوفي بحقــــــــــك والبخــل ملعون=رحم ربي امرىءٍ يعرف قـــدر نفسن شقاويه
عسى بطن العنود اللي حملـــك فجنته مدفون=وابشهد لك شهادتك حــق شهـــادة بنت مريه
ابد ما الله خلق ندك ولـــــو كـل البشر يفنون=عسى ارواحنا تفنـــــى وراياتــك ريــــاديـــه
ومن غيرك رفع راس السعوديه بهذا الكـون=رفعت الراس ياشامخ رفعت اسم السعوديــه