[ناصر الرشيدي]

والله انّي تعبت من الشعر واكتفيت
................................... دامني أتغنّي فيك دون ثمره
صاحبي والقصايد كلها بيـت بيـت
............................... لا تسلّم على قلبك ولا تذكـره
انـت خلّيتنـي البارح , وانـا ماخليت
............................ شاعرك , كل دمعه طاح من محجـره
احسب انّـي بقاوم ضيقتـي لا مشـيت
............................... ماهقيـت الفراق يهز فيني شعره
صاحب الليل شوف الليل لمّـا سريـت
.......................... مرني بس من دونك عجزت اسهره
لاتلوم الدموع ان ضاع حلم / وبكيـت
............................ جرّب تحب واحـد / عقبهـا تخسره
من كثر منت غالـي بالطواري لفيـت
.......................... يا أول انسان ينساني / وانـا اذكره
خلني اسكر عيونـي متى ما بغـيت
.............................. مقـدر اشوفك الا وعيني مسكره
لاتحسب الجفـا عادي وانا ما سليـت
.......................... كل طاري يجيبك لـي اقـوم اشكره
اذكر الحب وانسام الصباح (( وياليت ))
...................... وكيف كنّا نذري الشوق تحت شجـره
نص ذيك المشاعر ما بقت لو بقيـت
........................... صح باقـي مشاعر لكن مبعـثره
خافقي لا يطيح العـزم كانـي شكيـت
..................... كم عاشق وصل خله وخلـه هجـره .. !