[سعد بن عادي]

مرت ، و قالوا طلعة الشمس من وين ؟=و راحت ، و بسمتها تعنون .. شفاها !

( تبسمت و إتصدقت ) .. لـ [ المساكين ]=و حسوا بـ بسمة حظ لـ اللي .. لقاها !

هذا كتب في زينها .. ( بيت ) ، ( بيتين ) !=و هذا رسم لوحة .. و الآخر .. شراها !

هذا و هي بسمة .. و خطت .. عناوين ،=وشلون .. لو قامت عليهم .. ( تباهى ) ؟

هذي .. عوايدها : من سنين و سنين ،=تآمر على قلوب البشر .. و ( تعصاها ) !

جتني و قالت : سلم : ( يدينك / يدين )=اللي يميزها .. بـ عينك : [ عطاها ] .. !

جور الزمن .. ما يقدر يشيّن .. الزين ،=ولا يقسيها .. و يجرح .. ( وفاها ) !

وقالت : لا عاد تقول : بعدين .. بعدين=علمني .. آمالك .. و نلحق .. ( مداها ) !

قلت : أنتي آمال المحبة .. من الحين ..=تو .. ( المحبة ) .. يرتقي .. مستواها !

الله يخليها .. لـ عيني .. ( نظر عين ) ..=والله يسعد .. ( صبحها مع مساها ) !

( ورده ) .. و غارت من شذاها البساتين=انا فدا ( الورده ) .. ( لا ذعذع شذاها ) !