[الاجهر]

الشاعر المبدع ابن شفلوت القحطاني،وقصيدة شرشحة(لد النظر

( طلبها مني احد الزملاء مكتوبه ، اطرحها لكم ) ..
................. ياخبيث الدلايل
........................لكلكت ولسانك تلكلك ولكلك
شكيت فـ(ال فلان)والشك زايل
.........................شكيت في ناس(ن)بعيده عن الشك
حطيتهم مابين عايل ومايل
........................في مجلس(ن)من جال لاجال مصطك
لاشك فيك الشك سوا الهوايل
............................جرك مع درب المهاليك واهلك
تبغى تشب النار بين القبايل
..........................والا تبي تقطع على المملكة صك
فان كان في معقولك انها سهايل
.........................نفذ مطاليب المطاليق وافتك
لد النظر واحسب نجوم القوايل
.........................وان عدمت دك الجبل لين يندك
واليا قدرت انك تحايل تحايل
.........................شغل خلايا الذاكرة وادرج الفك
قد حاولوا قبلك بشتى الوسايل
.............................يبغون فتح الباب والباب منصطك
دونه طويق وخلفه جبال حايل
...........................ورجال وسيوف(ن)تضك العرب ضك
على ظهور الجامحات الاصايل
..........................صف(ن)عو ج من طوله وصف ملتك
وانا ادري انها لو تجيك الصمايل
..........................ارخيت فيها جلعه وقمت تحتك
من طاول اطول منه ماهو بطايل
.........................لو تكتك الشغله حشى ماتتكتك
بطنك ملوه اهل الجمايل جمايل
.........................خلوا هل المتكى يقولون لك تك
قادوك بيدك في جميع المسايل
.........................ونهاية الموضوع سكيتهم سك
لولا النشاما طيبين الفعايل
..........................كانك مع شرابة الكاس والجك
مالك كلام في عيال الحمايل
..........................كم شارب(ن)ركوه تحت القدم رك
وهروجك الي ماعليها دلايل
..........................خلها لابو تطريز والا لابو شك
واذبح على فرقا المناقيد حايل
............................وان دار حول اموالك الباهضة زك
وخلك مع الي يتبعون العوايل
..........................مره تلاحقها ومرة تلاحقك
جدر بنيته فوق راسك تهايل
...........................يستاهل الي مابنا الجدر ببلك
قلت الحقيقة وانت ويش انت قايل
............................ماعندك الا خله يفك وافك
ترى الرياجيل المصايب قلايل
.............................لاحك راس العود فالعود وانحك
خذها على الحجان ياخو كمايل
...........................من شك في ناس(ن)ثقه يلحقه شك

الموضوع الأصلي: ياخبيث الدلايل | | الكاتب: الاجهر | | المصدر: شبكة بني عبس